55 / 154
Bargobihtát
Ohcci
Loga čoahkkáigeasu s. 54 ja vástit.
1. Maid mearkkaša demokratiija?
2. Makkár vuoigatvuođat leat olbmuin
demokráhtalaš servodagain?
3. Makkár geatnegasvuođat leat sis?
4. Maid mearkkaša diktatuvra?
5. Mo stivre diktáhtor?
6. Mii geavvá sidjiide geat eai leat ovttaoaivil
diktáhtora mearrádusain?
7. Geat leat politihkalaš báhtareaddjit ja
dorvoohccit?
Dahkki
1. Mo doaibmá demokratiija?
2. Manne lea dehálaš ahte olbmot ohppet loh-
kat ja čállit?
3. Geat stivrejedje Norgga 2. máilmme
soađiáigge?
4. Mii lei nasisttaid bellodaga namma?
5. Man láhkai Norgga álbmot vuostálasttii
nasisttaid?
6. Lei go nasisttain lohpi bidjat olbmuid gid-
dagassii, jos vel eai lean ge verrošan?
7. Demokráhtalaš riikkain lea lohpi cealkit
friddja dan maid oaivvilda sin birra geat
stivrejit ja mearridit riikkas. Válljejehket
muhtin áigeguovdilis ášši maid sáhttá di
gaštallat ceahkis. Muitet ahte buohkain lea
lohpi cealkit iežaset oainnu ášši ektui, ja ii
oktage galgga oainnus geažil cuiggoduvvot
dahje fuonášuvvot.
8. Geavahehket bálddastahttindiagrámma
(oahpaheaddjis fidnet). Árvvoštallet doah-
pagiid ja bardet dáid demokratiija beallái,
diktatuvrra beallái dahje gasku:
álbmotstivren, lágat, báhtarit, vuoigatvuo
đat, dárkkistit, friddja, čiegusvuohta, jie-
nastit, čuovvut mielde, bellodat, nasisma,
ovttadássásašvuohta, dorvoohcci, jávkadit,
skuvla, oahppu, digaštallat, čuovvulit, okta
bellodat, gieldit, giddagas, bilidit, goddot,
rabasvuohta, áitit, stivrenvuohki, propa-
ganda
9. Dahket unnimusat vihtta gažaldatkoartta
dán kapihttalis! Dahket spealu, ja son gii
boahtá vuosttamužžan lohppii, lea vuoitán.
Dutki
1. Geahčadehket govvagirjjiid, lohkket girjjiid
ja filmmaid 2. máilmmisoađis! Ságastehket
dan birra mo servodateallin lei dan áigge.
2. Lohkket áviissaid! Geahččalehket gávdnat
čállosiid servodagaid birra gos ii leat de-
mokratiija! Čájehehket earáide dan maid
lehpet gávdnan.
3. Lohkket novealla:
Skuvlagánda
. Laila Stien.
Maid dat muitala dáruiduhttináiggi birra?
55