65 / 156
Ohcci
Loga čoahkkáigeasu s. 64 ja vástit.
1. Mat leat neahttaservodagat?
2. Mo sáhttit mii oassálastit neahttaservoda-
gaide?
3. Makkár neahttaservodagat leat dábá
lepmosat?
4. Mo heive láhttet neahttaservodagain?
Dahkki
1. Mana neahttasiidui: dubestemmer.no ja
vállje sámegiel oasi. Doppe sáhtát lohkat
eambbo neahttageavaheami birra. Gea-
vat dieđuid maid dán neahttasiiddus gávn-
nat ja logaldala earáide ceahkis eambbo
dan birra mo neahta sáhttá oadjebasat ja
jierpmálaččat geavahit.
2. Mii lea du beroštupmi? Maid don liikot
bargat astoáiggis? Ásat mahkáš muhtin
neahttasiiddu gos olbmot sáhttet oastit du
gálvvu, dahje lohkat du beroštumiid bir-
ra. Daga logo ja hábme dan nu ahte olb-
muide šattašii miellagiddevaš logadit du
neahttasiiddu. Dán sáhtát dahkat neahtas,
almmutkeahttá.
3. Dahkket blogga das go duddjobehtet dah-
je bargabehtet juoidá skuvllas. Čilgejehket
duoji ja barggu, ja govvejehket ja almmu-
hehket internehttii.
4. Geahčadehket muhtin bloggaid. Man birra
sii čállet? Leat go olbmot kommenteren?
Dutki
1. Guorahallet makkár neahttaservoda-
gaide du luohkkáskihpárat oassálas-
tet dávjjimusat ja eanemusat. Dahk-
ket čuoldadiagrámma ja ovdanbuktet ja
digaštallet bohtosiid ceahkis.
65