69 / 156
69
Geografiija – čilget eatnama
Geografiija
lea oahppa olles máilmmi birra. Geografiija
lea greikkalaš sátni ja mearkkaša
čilget eatnama
. Jos gal
gat máhttit čilget eatnama, de fertet máhttit ollu ođđa sá
niid ja namahusaid. Daid sániid geavahit go áigut muitalit
ja čilget ábiid, váriid, jogaid, jávrriid, eatnamiid, gávpogiid
ja báikenamaid.
Geografiijas oahppat mo eatnamat leat šaddan nu mo dat
otne leat. Oahppat maiddái dálkkiid ja dálkkádagaid ja
luonddu birra. Oahppat kártta lohkat ja dainna bargat lea
dehálaš oassi geografiijaoahpus. Geografiija oasis oahppat
maiddái gos olbmot ásset ja mo sii birgejit doppe gos ásset.
eanadat
makkár
luondu/eana lea
dábálaš dihto guovllus,
omd. vuotnaeanadat
dahje duottareanadat
resurssat
luonddu
ávdnasat, omd. guolli,
boazu, vuovdi, dahje
silba dahje ruovdi
geografiija
čilget ja
buohtastahttit báikkiid
ja guovlluid
Go mii geografiijain bargat, de mii vástidit
gažaldagaid.
• Man allat lea várri?
• Gos lea gávpot?
• Makkár eanadat lea dien riikkas?
• Manne lea eanadat šaddan ná?
• Gos leat stuorra jávrrit?
• Gos orrot eanemus olbmot?
• Mo birgejit olbmot?
• Makkár resurssat gávdnojit guovllus dahje
riikkas?
• Gos leat alla várit?