Mii dáppe 1

62 / 156

62
Britt Elin lea politiija ja diehtá ollu
dan birra maid mánát ja nuorat
vásihitiešguđet sosiála mediain ja
eará neahttaservodagain. Mii leat
jearahallan su dan birra.
Makkár neahttaservodagaide
oassálastet nuorat áinnas?
Nuorat liikojit leat eará nuoraiguin ovt­
tas, nu ahte sii servet áinnas sosiála
neaht­taservodagaide. Dat leat neahtta­
servodagat gos sii sáhttet deaivvadit,
humadit ja speallat eará nuoraiguin. Sii
sáhttet govaid, filmmaid ja suohttasiid
lonuhallat. Dat lea buorre vuohki deaiv­
vadit ja gulahallat earáiguin, jos ii hei­
ve mannat guossái. Dat lea maid buorre
vuohki doalahit oktavuođa singuin geat
orrot guhkkin eret, go sin ii leat vejolaš
deaivat ja oaidnit nu dávjá. Muhtimat
ožžot ođđa olbmáid sosiála neahtta­
servodagain.
Gávdnojit go sierra neahtta­
njuolggadusat?
Dábálaš olmmošvierut ja láhtten­
njuolggadusat gusket maiddái neahtta­
servodagaid oassálastimii. Nu go dábá­
laš servodagas, de maiddái neahtta­
servodagain ovttastallet ja deaivva­
dit ollu olbmot. Mii dovdat ja máhttit
dábálaš servodaga láhttennjuolggadu­
said, muhto eat álo muitte ahte dábálaš
olmmošvierut ja láhttennjuolggadusat
gusket maiddái neahttaservodagaide.
Eanaš neahttaservodagat leat ásahan
neahttanjuolggadusaid. Jos olbmot eai
čuovo neahttanjuolggadusaid ja dábálaš
olmmošvieruid neahttaservodagain, de
sii biddjojit eret doppe.
biddjojit eret lihccojuvvojit
Britt Elin Hætta Isaksen.