Modealla ohcat dieđuid fágateavsttas

Lohkat fágateavsttaid ja ohcat ja gávdnat dain vástádusaid ii leat álki jos dan ii leat bargan ovdal. Vuosttamužžan ferte njuovžilis lohkki gii ádde ahte teaksta áigu muitalit juoidá. Dasto ferte son hárjehallat ohcat ja gávdnat vástádusaid teavsttas. Dás sáhtát oaidnit mo dan sáhttá bargat. Juohke bargobihtás lea sierra ivdni mas oidno vástádus merkejuvvon tekstii seammá ivnnis. Bargobihtát main lea sáhppes ivdni ii leat vástádus teavsttas muhto oahppi ferte ieš dan árvvoštallat dahje guorahallat.

Lea dehálaš ahte oahppi ii dušše čális vástádusa girjái, muhto lohká dan jitnosit ja oahpahallá dan ieš dadjat/muitit.

Bargobihtát  Luondduresurssat

1. Čilge mii luondduresursa lea!

2. Namut muhtin luondduresurssaid!

3. Maid mii sáhttit bargat luondduresurssain?

4. Makkár luondduresurssat leat din báikkis dahje gielddas?