Lohkat fágateavsttaid

Fágateaksta lea teaksta mii muitala ja oahpaha juoidá sutnje gii dan lohká. Fágateavsttain leat ja dat gáibidit  fágadoahpagiid mat dárkilit čilgejit fága. Muhto oahppit eai galgga báhcit okto rahčat váttis fágateavsttain ja fágadoahpagiin. Dalle lea lunddolaš ahte oahpaheaddjit aktiivvalaččat láhčet dili nu ahte oahppit ožžot fágadoahpagiid ja ovttastuvvonsániid presenterejuvvot fágalaš teakstaságasteami bokte. Dát galgá dahkat ohppiid sáhkkin ja válbmaša dustet dahje suoskagoahtit dan. Ovddidit ohppiid áddejumi fágadoahpagiidda lea guovddážis fágabargguin buot fágaid olis  skuvllas.  Go oahppit leat gullan sániid  máŋgii ja soitet ieža geavahan dahje namuhan daid njálmmálaččat ja dovdet daid sisdoalu, de sáhttá álggus modelleret ohppiide mo sii galget lohkat ja ohcat teavsttas dieđuid. Soaitá dán ferte máŋgii dahkat ovdal go oahppit dovdet sii ieža dán hálddašit.  Mii fállat oahppogirjesiidduid maidda leat merken mo fágateavsttat/ovttastuvvon teavsttat  oahppogirjjiin  lea huksejuvvon ja mo doppe galgá ohcat ja gávdnat dieđuid (modeallaid). Lassin mii fállat oanehis fágateavsttaid ja bargobihtáid maiguin oahppit sáhttet hárjehallat.

Mo lea fágateaksta huksejuvvon?

Dás oainnát mo fágateaksta eanaš oahppogirjjiin lea huksejuvvon.  Das lea bajilčála mii muitala mii lea fáddá, dahje man birra teakstabihttá lea. Teakstabihttá muitala ja oahpaha lohkkiide juoidá. Teakstabihtá vuolggacealkka vástida dábálaččat vuolit bajilčállaga. Viidáset teaksta čilge dárkileappot ja/dahje eambbo fáttá birra.

Lassin teakstabihttái leat sihke govat,  govvateavsttat ja sátnečilgehusat ravddas. Muhtin fágateavsttaide leat muitalusat mat heivejit fágii. Visot dát galget veahkehit oahppi áddet maid teaksta áigu muitalit dahje oahpahit sidjiide.

Fágadoahpagat maid oahpaheaddji čađaha ovttas ohppiiguin leat: (Oahpaheaddji sáhttá ságastit ohppiiguin fáttá birra ja geavahit dalle dáid doahpagiid. Buoremus vel jos oahppit ieža maid geavahit doahpagiid go jerret ja ságastit)

• Rolla (doaibma servodagas dahje identitehta)
• Servodat (doppe gos olbmot ellet ja doibmet ovttas, omd skuvla)
• Olmmošvierru
• Ovddasvástádus
• Ovttasráđiid
• Návccat
• Bajásgeassit
• Illásteapmi
• Ovddasmoraš