73 / 134
73
Tjaalehvuekieh
Veartenem giehtjedidh, dåajmijes vuekine,
laahkoestidh
Dah jis iemiealmetji noere dotkijh eelkin laejhtedh dan akademijan
garre jih galmes dotkemevuekide. Jeehtin akademija ij iemiealmetjidie
sjiehth, jis ibie dotkemevuekide sjiehtesjh. Aatskadin joekehth dotke
mevuekieh evtiedidh,
Indigenous Methodology,
mij lij iemiealmetji jijtse
kultuvreguarkoen mietie sjiehteles. Golme tsiehkieh mej bijre leah latjkes
lea; ahte dotkije galka iemiealmetji jijtse vearteneguarkoem krööhkedh.
Guktie jis almetjh ussjedieh jih veartenem giehtjedieh? Kultuvren lea
sjiere maahtoe mij stuvrie guktie almetjh dåemiedieh. Mubpie lea ahte
dotkije galka kultuvren vierhtieh seatadidh. Dihte mij lea vyörtegs ie
miealmetjidie. Jih gåalmede lea ahte galka iemiealmetji maahtoe seam
maligke gietedalledh goh lij guejmiedotkijen maahtoe. Akademijesne
lea guhkie nimhtie orreme ahte dotkije ij daarpesjh sov
gaaltijem
nom
mehtidh. Iemiealmetji maahtoeguedtijh daamhtaj anonyme gaaltijinie
sjidtin ovtetje dotkemepaehpierinie. Jijnjemes iemiealmetji kultuvrine lea
seamma guktie saemiej luvnie, ahte lea tjuerpies åajaldehtedh mubpiem
laahkoestidh. Jih laahtjeres årrodh lea riekti saemien dåajmijes vuekien
mietie. Iemiealmetji dotkemevuekien mietie galka laahtjeres årrodh, jih
dåajmetje laakan bievnedæjjide earoehtidh.