Sápmi ja máilbmi
128
1600-logus ledje ollu soađit miehtá
Eurohpa. Guhkimus soahti bisttii
30 jagi, 1618 rájes gitta jagi 1648
rádjái. Duiska Keaisár Ferdinand
2. vuolggahii soađi protestánttaid
vuostá go sii vuostálaste keaisára
ja katolihkaid. Ruoŧŧa ja Fránkariika
doarjjuiga protestánttaid, ja sohte
Duiskkas ollu jagiid. Eai álo láhtten
čábbát go bohte giliide. Muhtimat
suoládedje borramuša ja godde
gili ássiid. Easkka jagi 1648 šattai
ráfi gaskkal Fránkariikka, Ruoŧa ja
Duiskka. Olbmot ledje dolkan ja
váiban. Ollu albmát ledje goddon
soađis.
“Buvtte borramuša, dálán.”
“Ohcet
riggodagaid!”
“Gárvvut ja ránut midjiide!”
“Ipmil árpmit!
Ale gotte min."
