Ovttas - Sirkumpolára eamiálbmogat ja sin oskkoldagat - page 46

Sirkumpolára eamiÁlbmogat46
Muhtumin lei náittosbárra. Soai eliiga bivdduin. Isit lei
čeahpes bivdi ja gottii ollu bohccuid. Muhtumin lávii son
njuorj­juid bivdit, ja son lei seamma čeahpes bivdi eatna-
mis go meara alde. Go eamit málestii, de son álo váruhii
ahte ii mihkkege bálkes­tuvvo. Son vieččai álo dan maid
isit lei bivdán ja málestii rivttes vugiin, ja son muittii álo
addit čázi mearaelliide maid isit lei bivdán, giitosiin go lei
suovvan su goddit sin. Isit ii goddán eambbo go dan maid
dárbbašeigga, ja soai eliiga lihkolaččat ovttas.
Muhtun jagi soai guđiiga iežaska gili ja ásaiduvai­
ga guhkás eret olbmuin muhtun báikái gos ii oktage lean
orron guhkes áigái. Go muhtun áigi lei vássán, de eamit­
váibbai garra barggus. Čuoikkat givssidedje su ii ge son
áibbašan šat geassái. Son sávai ahte isit ii galg­ga­še bivd­
dus oažžut maidege danne go son lei dolkan málesteamis.
Muhtun beaivvi go isit buvttii bohcco maid lei bivdán, oin-
nii son guoros gievnni das lahka. Son váld­dii gievnni ja bi-
jai dan bohcco oaivái ii ge šat dahkan maidege bohccuin.
Dan maŋŋel orui isit massime bivdo­lihku. Sálaš
uhccá­niš­gođii ja beaiv­vis beaivái šattai mannat ain
dobbe­lii vai gávdná borramuša. Muhtun beaivvi bo­đii
guoros­gieđaid ruoktot ja dajai ahte dál nealguba dálvái.
Borra­muš­vallji nohka­gođii ja loahpas sudnos ii lean šat
mihkkege. Ja nu nohke sudnos fámut. Isit imaštalai gal,
muhto ii ádden manne bivdolihkku lei jávkan. Muhtun
beaiv­vi go lei bivddus, de oinnii juoidá mii guosai duod-
dara badjel. Rahčamiin son viimmat joksagođii dan. Son
gulai ahte dajai: –Hu –Hu! Gii válddášii gievnni eret
mu oaivvis? Álggus son gáttii ahte lea olmmoš, muhto de
fuomášii ahte lea boa­zu. Son doapmalii luvvet gievnni. De
dajai boazu sutnje: –Vaikko lea du iežat eamit gii lea dán
mu vuostá dahkan, de áiggun fuolahit ahte bivdolihkku
fas dutnje máhccá. Ihttin galggat gávdnat olu bivdoelliid.
Iđđedis dáhpáhuvai nu go boa­zu lei dadjan ja
son fuomášii olles bohcco­čorraga, muhto go son lei nu
Mo sáhttá geavvat jos olmmoš ii árvvus ane luonddu láhjiid
láhjiid skeaŋkkaid