95 / 172
Máilmmi eamiálbmogat čoahk
kanan Áltái. Sii digaštallet mo
čoavdit hástalusaid mat gusket
buot eamiálbmogiidda. Dakkár
áššit sáhttet leat vuoigatvuođat
eatnamiidda ja čázádagaide, dahje
giella ja oahpahus. 2013.
Sámeráđi logo.
Eamiálbmot lea álbmot mii lea nu guhká ássan muhtin
guovllus ahte dat leat ovddidan máhtu ja diehtaga
das mo birget ja eallit luondduin dan guovllus.
Máilmmis gávdnojit iešguđetlágan eamiálbmogat.
Sii ásset iešguđet guovllus máilmmis ja danne sin
eallin lea máŋgga dáfus hui sierralágan. Datte leat
sis iešvuođat ja dilit mat leat
sullasaččat
. Ollugat
sis leat
koloniserema
geažil gillán veahkaválddi,
bággofárremiid
ja muhtimat sis maiddái sođiid ja
goddimiid. Riikkaid eiseválddit
navdet
eatnamiid
gullat sidjiide, ja ahte sii sáhttet daid ávkkástallat nu
go ieža háliidit,
jearakeahttá
eamiálbmogiin. Dainna
lágiin eamiálbmogiid
eallinvuogit
áitojit go eatnamat
mat leat sin
birgenláhki
, billašuvvet.
sullasaččat
seammaláganat
koloniserema
eará álbmot boah
tá ja váldá dahje
geavahišgoahtá
earáid guovlluid,
dego livčče sin
iežaset
bággofárremiid
bággejuvvo fárret
eret iežas ruovttus/
guovllus
navdet
oaivvildit, jáhkket
jearakeahttá
nu ahte eai jeara
eallinvuogit
vuohki mo eallit
birgenláhki
vuođđun birgemii