91 / 172
91
soahtediliide máilmmis. Dalle galgá maiddái Norga sáddet
soalddáhiid ja reaidduid daidda riikkaide gos sohtet. NATO
bargá ovttas maiddái riikkaiguin mat eai leat NATO-miel-
lahtut.
WTO
WTO mearkkaša
World Trade Organization
, dahje Máilmmi
gávpesearvi. Riikkat mat leat WTO miellahtut, dahket ovttas
njuolggadusaid ja lágaid dasa mo vuovdit ja oastit gálvvuid.
WTO geahččá bearrái ahte miellahttoriikkat čuvvot lágaid ja
njuolggadusaid. Sii maiddái geahččalit čoavdit gávperiidduid
mat bohciidit riikkaid gaskkas.
Ollu bargoolbmot bohtet eará Eurohpá riikkain Norgii. Norggas leat ollu barggut,
buorre bálká ja buorre bargodilli.