63 / 154
63
Gielddastivra galgá vearroruđaid, stáhtaruđaid ja
sámediggeruđaid juohkit iešguđet doaimmaide.
Dákkár doaimmat sáhttet leat
• Mánáidgárddit
• Skuvllat
• Boarrásiidsiiddat
• Buollin- ja suodjalusdoaimmahagat
• Lášmmohallanbáikkiid hukset
• Girjerájus
• Oadjebas skuvlageainnut
• Gosa galget ođđa viesut huksejuvvot
Deanu sámeskuvlla lea gielda huksen ja jođiha. Gielda máksá
oahpaheddjiide, rektorii, bassái ja eará bargiide bálkkáid.
Dat maid oastá girjjiid, dihtoriid, kopierenmášiinna ja eará
ávdnasiid maid oahppit ja oahpaheaddjit dárbbašit dasa ahte
oahppat.