65 / 154
65
Fylkkadiggi
Go leat gieldda- ja fylkkadiggeválggat, de
válljejuvvojit áirasat maiddái fylkkadiggái.
Fylkkadiggi lea bajimus mearrideaddji or
gána fylkkas, ja dat galgá jođihit fylkka
gieldda bargguid. Sin jođiheaddji lea
fylkka
sátnejođiheaddji
. Áirasat válljejit iežaset
gaskkas su gii galgá doaibmat fylkkasátne
jođiheaddjin. Son galgá ovttas daid eará
áirasiiguin jođihit fylkkagieldda politihka ja
bargguid.
Fylkkagielda galgá geahččat bearrái ahte
joatkkaskuvllat doibmet nu mo galget. Sii
galget fuolahit ahte miehtá fylkka leat bátne
doaktárat ja ahte buot skuvllaoahppit ožžot
buori ja nuvttá bátnedivššu. Sii galget iskat ja
divvut fylkka geainnuid ja fuolahit johtalusa
báikkiid gaskka. Luonddugáhtten, elrávdnji,
kulturfálaldagat ja ealáhusaid
ovddidit, leat eará doaimmat
maid fylkkagielda galgá fuo
lahit ja čuovvut.
Fylkkagielda galgá earret eará geahččat bearrái ja
divvut fylkka geainnuid dárbbu mielde.