Mii dáppe 2

45 / 154

45
doaibmá. Danne lea oahppu geatnegaht­
ton. Geatnegahtton oahppu álgá dan jagi
go mánná deavdá 6 jagi ja loahppá dan
jagi go deavdá 16 jagi. Dat fállo skuvl­
lain, ruovttuin dahje eará báikkiin ja bis­
tá unnimusat 10 jagi. Stuorradiggi ja Sá­
mediggi leat ovttas mearridan maid buot
Norgga oahppit galget oahppat skuvllas.
Dat čuožžu oahppoplánas, ja buot Norg­
ga ja Sámi skuvllat leat geatnegahtton
čuovvut dan.
Váldit ovddasvástádusa
Ovddasvástádus lea sátni maid mii dáv­
já gullat, muhto eat álo smiehta maid dat
duođaid mearkkaša. Rávisolbmuin lea
stuorra ovddasvástádus. Sis lea bargu
maid galget doaimmahit. Dávjá leat sis
mánát geat galget oahppat ollu ja oaž­
žut visot dárbašiid, veahki ja ovddas­
morraša. Rávisolbmot galget máhttit
ruovt­tu ruhtadili láhčit nu ahte viesso­
láigu ja elrávdnji mákso, ja ahte bearraša
borramuš ja biktasat leat buorit.
Soaitá dus lea ovddasvástádus muhtin
áššiin ruovttus? Dađe mielde go stuorut,
de lassána maiddái du ovddasvástádus.
Mis lea geatnegasvuohta ovddasvástá­
dusa váldit iežamet daguin, ja servodat
vuordá ahte mii dahkat dan. Jos don leat
njálbmon earáiguin, de vurdo ahte don
válddát ovddasvástádusa, dagat buo­
ri fas, ja heaittát njálbmumis. Dalle don
válddát ovddasvástádusa iežat daguin.
geatnegaht­ton bákkolaš, bággejuvvon
dárbašiid ávdnasiid maid dárbbaša
ovddasmorraša jeđđehusa jos lea váivi
ja veahki birget
láhčit plánet, ordnet
Váhnemiin dahje fuolaheddjiin lea stuorra ovddasvástádus.
Sii galget ollu oahpahit mánáide.