Suhkat
Suhkat ja meallut lea boarráseamos vuohki meara alde johtit. Suhkamis leat guokte váldo vuogi, namalassii suhkat ja vuohppát. Go sugat, de lea čielgi dan guvlui gosa leat jođus, muhto go vuohppát, de lea raddi dan guvlui gosa jođát. Go sugat, de geavahat eanet stuorát dehkiid ja leaktu šaddá ollu buoret, muhto ii oainne nu bures ovddas guvlui. Vuohppádeapmi go lea dehálaš deaivat ovdamearkka dihtii fierpmi dahje kágga lusa mii lea čázis.
Lášmmohallamis lea suhkan oassi olgodoaimmaid ektui, muhto jus hárjehallá ja gilvala suhkama, de addá dat maid ollu fysalaš hástalusaid, nugo sávri- ja gievravuođa.
Eará fágaid ektui: Suhkama sáhttá maid geavahit luoddufágas gos fáddá lea dálki, mearra ja bivdu. Maiddái duojis sáhttá ráhkadit liige osiid mat suhkamis geavahuvvojit. Ovdamearkka dihtii áirruid, ákŋobealggi, dilljá, ávskár ja unna suhkanfatnasa. Sámegielfágas fas sániid mat gullet fatnasii ja suhkamii.
Gáldu: Nilsen Steinar, doaimmaheaddji (2021). Mearrafanas – Sjøbåt, Mearrasiida.
Doahpagat
dábálaš muoras ráhkaduvvon. Dađi stuorát fanas lea, dađi guhkit leat áirot. Dat mii galgá čáhcái, áirolieđbmá, lea govddit, nu ahte oažžu buoret coavcci čázis.
lea ruovdda alde ja lea dasa gosa bidjá áiru go galgat suhkat.
lea fiellu mii manná doarrás fatnasis, ja man alde čohkká go suhká dahje go lea fatnasis.
lea dat oassi fanasravddas mii lea gasku, siskko- ja olggobealde fatnasis.
čohkkát fatnasis, čielgi lea dan guvlui gosa lea jođus, ja geavaha áiruid nu ahte fanas manná ovddasguvlui.
«suhkan maŋosguvlui», muttu geahččat dohkko gosa leat jođus.
