Dát lea ráhkaduvvon lášmmohallan oahpaheddjiid várás, geat oahpahit 1.-10. ceahkkái, muhto ollu doaimmat heivejit maiddái sihke mánáidgárddis ja joatkkaskuvllas. Dáppe leat čilgejuvvon ja filbmejuvvon doaimmat duhkoraddamis, valáštallamis, olgodoaimmain, drámás, rytmihkas ja dánsumis. Dat doaimmat leat dahje leat leamašan Sámis, ja dát leat ráhkaduvvon maŋit áigge sámiid várás.

Lášmmohallan oahpaheaddji sáhttá dás vuolábealde mearridit man lágan doaimmaid, hástalusaid (ulbmiliid) áigu dahkat. Doaimmaid ferte lášmmohallan oahpaheaddji heivehit iežas dilálašvuođaid ektui, nu mo mánáid/nuoraid ahki, čađahanbáiki ja duhkoraddan/valáštallan njuolggadusaid hárrái. Oahpaheaddji ferte maid heivehit doaimmaid lášmmohallan oahppoplána ektui, ja mo sáhttá bargat ovttas eará fágain dahje doaimmain skuvllas.