Guovssahasat

Guovssahasat lea sihke drámá, rytmihkka ja dánsun čadnon oktii. Guovssahasat, nugo filmmas čájehuvvo, lea ovdagihtii hárjehallon nu ahte šaddá čájáhus. Dát lea maid vejolaš dahkat induktiivva oahppanvuogi mielde gos musihkka addá lihkadanvejolašvuođaid. Go geavaha veahkkeneavvu, nugo dás liinni, de lea liidni mii dánsu ja lihkada. Sáhttá leat buorre vuohki álgit oahpahusa drámáin, rytmihkain ja dánsumiin ja gos geavaha veahkkeneavvu mii galgá lihkadit dahje dánsut.

Lášmmohallamis gullá Guovssahasat drámá, rytmihka ja dánsun oassái. Guovssahasat hástala motorihka, kognitiivvalašvuođa ja affektiivvalašvuođa.

Eará fágaid ektui: Luonddufágas sáhtát oahppat mat guovssahasat leat. Sámegielfágas sáhttá lohkat muitalusaid guovssahasaid birra.