Dola cahkkehit

Nagadit dola dahkat riššaid haga lei hui dehálaš ovdal go riššat bohte. Ovdal časke ruovddi ja garra geađggi oktii. Lassin dárbbašedje juoga mii hilaid dustii ja álggii buollit go oaččui doarvái áimmu. Dat mii dasa geavahuvvui lei oassi nivssas guobbaris, siskkobealde dan garra olggoža. Dán čuohppá eret ja duolddaha sullii 20 minuvtta, vanaha ja goikada. Go hilla bissána nivssahii, de bossu ja bidjá goike suinniid birra nu ahte dat buollá. De bidjá daid buolli suinniid bessiid sisa ja dan ala fas goike muoraid. Ja de lea dolla.

Lášmmohallamis gullá dát olgodoaimmaide, ja addá sihke kognitiivvalaš ja affektiivvalaš hástalusaid.

Eará fágaid ektui: Dahkat dola sáhttá geavahit luonddufágas, sihke biologiijas ja fysihkas. Sámegielfágas gos oahppá sániid mat gullet dolladahkamii.