Muohtaluisten
Olbmot leat dolin ráhkadan govda luisttehiid maid sáhtii geavahit garra muohttagis ja doppe gos jiekŋa ii lean báljis. Ulbmil dáinna leai ahte ožžu buoret leavttu vázzima ektui. Sáhttá maid geavahit čuoigansoppiid, dalle bissu buorebut čuožžat ja oažžu buoret leavttu. Muohtaluisttehiid sáhtte geavahit go jiekŋa ii lea nu njalkkas, mahkáš go muohta lei galbmon jieŋa ala. Muohtaluisttehiid sáhtii maid geavahit gáttis, ovdamearkka dihtii go lei cuoŋu. Dalle geavahedje soppiid veahkkin stáđisvuhtii ja leavttu ektui.
Lášmmohallamis addá muohtaluisten affektiiva ja motorihkalaš hástalusaid. Muhto go veaháš guhkit luiste, de lea maid hástalusat sihke sávrivuhtii, gievravuhtii ja snáhppilvuhtii.
Eará fágaid ektui: Sámegielfágas sáhttá oahppat sániid luistema ja jieŋa ektui. Duojis lea vejolaš ráhkadit muohtaluistehiid.
Doahpagat
go leamaš guhkit áiggi bivval ja muohta čađa njuoskan, ja go de fas buolašta, de galbmo dat njuoska muohta, dalle šaddá cuoŋu.
muohtaluisttehis lea okta govda jálás, sullii 3 cm govddu ja ovddabealde lea njunni amas muohttagii čuoggasit.
ruovdi mii lea jálása vuolde amas muorra nohkat go luiste/skeittásta.
lea luisttehat/skeittát mat geavahuvvojit garra muohttaga alde, nugo šalkka dahje cukŋo alde.
