Luistet/skeittástit
Luisten lea vuohki mo jođánit joavdá jieŋa alde. Jiekŋa lea dábálaččat njalkkas ja garas. Danne addá johtolat jieŋa mielde dávjá stuorra leavttu. Odne geavahuvvo luisten eanaš hárjehallamii ja gilvvohallamii. Muhto go lea buorre jiekŋa, de lea dát maiddái astoáigge gollun olbmuide. Luisten geavahuvvui ovdalis olgodoaimmaide, nugo juoŋasteami ja oaggun oktavuođas. Luisttehat geavahuvvojit odne bandys ja jiekŋahockeys.
Lášmmohallamis addá luisten affektiiva ja motorihkalaš hástalusaid. Muhto go veaháš guhkit luiste, de lea maid hástalusat sihke sávrivuhtii, gievravuhtii ja snáhppilvuhtii.
Eará fágaid ektui: Sámegielfágas sáhttá oahppat sániid luistema birra. Ja luonddufágas fas fysihkalaččat áddet mii frikšuvdna lea.
Doahpagat
dat bastilis ávjjut mat leat ruovddis man mielde luisttehat česset go luiste. Dás leat guokte ávjju, sihke siskkobealde ja olggobealde.
go temperatuvra sáivačázis manná vuollel 0 gráda selsius, de jiekŋu čáhci ja dalle beassá luistet/skeittástit jieŋa alde.
sadji gos sáhttá luistet. Sáhttá leat jávri/láttu mii lea merkejuvvon luisten várás dahje gilvo koanstajiekŋabána mii lea 400 mehtera birra.
dán áigge skuovat ja luisttehat leat ovtta oasis. Ovdalis áiggiid geavahuvvui dábálaš skuovva/gáma masa luisttet lei čatnon.
