48 / 134
48
Tjaalehvuekieh
Pamfledte/Pamflett – Ealsan gærjetje
pamfledtine gohtjesåvva.
Baakoe
pamflett
enngelesgieleste båata, jih
lea teekste vuj plaerie mij ij leah gærjine
bertesovveme. Ij garre ålkoebielieh utnieh.
Daaroengielesne pamfledte lea tjaalege
gusnie politihken dierem bæjkohte, poli
tihken eevtjedimmie-tjaalege, vuj tjaalege
gusnie naan jeatja vihkeles dierem sijhth
bæjkoehtidh. Eatnemevaarjelimmien
organisasjovnh, healsoeorganisasjovnh,
viehkieorganisasjovnh j.n.v. pamfledth
nuhtjedieh guktie jijnjh almetjh jaksedh.
Nöörjesne jih Sveerjesne. Noerhtesaemien dajvine göökte teaaterh
utnieh. Saemien nasjovnaalteaatere, Beaivvaš, Guovdugeajnosne, Nöör
jen bealesne, jih aaj Giron Sámi Teáhter, Sveerjen bealesne. Gåarede
nov bajjehtidh ahte Åarjelsaemien teaatere lyövlehkåbpoe diedtem
guadta jih galka vijrebe jaksedh goh noerhtesaemien teaateridie, jalhts
maaje unnebe lea.
Elsa Laula Renberg (1877–1931) hov lij staalehke jih veaksehke nyjse
næjja, mij buektiehti jijnjem darjodh saemiej siebrietseegkemen jih
råårestallemen gaavhtan. Saemiej jielemetsiehkieh lin nåakebe goh daa
roej, jih Elsa Laula Renberg guhte lij jollebe ööhpehtimmiem vaalteme
(tsegkietnien ööhpehtimmiem utni, Stuehkeste) guarkaji ahte saemieh
tjoeverin tjåanghkanidh jih råårestalledh, maa guktie daaroen reere
midie govlehtehtedh. Gærjetjem tjeeli gusnie tjuvtjede man båastoeh
lea ahte daaroen båantah åadtjoeh saemide tjihtedh gåatomelaantem
laehpedh. Saemiej reaktah nænnoestidh,
jih ööhpehtimmie saemien maanide hov
lij daerpies, Ealsan mielen mietie, juktie
saemiej jielemetsiehkieh bueriedidh.