106 / 134
106
Tjaalehvuekieh
saemie svååri. «Ih goh galkh naaken vaahrese båetedh, manne edtjem
dåeriedidh datnem diekie bååstide, njöömesth dan mov rudtjese!»
dihte saajve jeehti dan saamen. Dihte saemie dam govli, juktie ij galkh
naaken vaahrese båetedh, dle njöömesti dan saajven rudtjese. Dihte
saajve vaadtsiji dejnie seemine (saemine).
Dennie giedtien aktene roenesne lij akte gaaltije. Dihte saajve vaadt
siji dan gaaltijen gåajkoe. Goh böötigan dan gaaltije-bealese, dle dihte
saajve tjarni dan gaaltijasse. Dihte saemie dam vööjni: maaje edtji varki
jijtjemse njarhvestidh dehtie saajveste, men idtji annje hinneh. Dihte
saemie ussjedi: joe gujhth dellie aavgrunnese (vaavlan) satne mannem
voelkehte. Dle damta: barre våålese jih våålese juhtiejægan. Dle dihte
saemie vööjni aktem ståapoem; dihte lij stoerre ståapoe. Gellie lin klaash
dennie ståaposne. Dihte saajve satnem foeresji dan ståapoen sijse, jienebh
lin aaj saajveh dennie ståapoen sisnie. Goh böötigan dan ståapoen sijse,
dle gujhth dihte saemie healsohti. Goh lij healsoehtamme, dle stillijin,
edtji tjihkedh buertie-bealese jih byöpmedalledh jih jovkedh. «Gosse
aalka byöpmedalledh, dle edtjh kroesse-tieknem biejedh gaajhkese
maam datne dov gieti sijse vaaltah, mearas leah daesnie; dle ih goh
galkh naaken vaahrese båetedh.» Dihte saemie darjoeji, guktie dah
saajveh jeehtin.
Goh lij byöpmedalleme, dle dah saajveh eelkin soptsestalledh. «Mij
jieh libie ussjedamme, edtjebe spååadidh (nåajtodh) ovlæhkoem dov
bovtsigujmie, juktie dah dov bovtsh bejkieh jih gudtjieh (gedtjieh)
mijjen bijjielisnie, juktie dihte dov giedtie lea mijjen bijjielisnie laanten
nelnie. Gaajhkh dah gadtjh jih bajhkh gelkieh mijjen nille. Men dle
ussjedimh, edtjimh voestegh minnedh datnem viedtjedh jih soptsestidh
dutnjien, guktie datne båatah daejremen; dle kaanne fluhth giedtiem
jeatjah lahkan. Jis dam sijhth darjoedh, dle edtjebe mijjieh dutnjien
spåadidh (nåajtodh) hijven læhkoem dov bovtsigujmie jih gaajhkine
dov eekine. Men jis datne ih dam sijhth darjodh, dle galkh barre ovlæh
koem utnedh daehtie gietjeste.»