Modealla lohkanáddejupmi

Morihin iđđes geađgi čoavjjis. Mun ferten válljet, ja mun dihten mo galggašin válljet. Sáhtten ainge šaddat ođđa Petter Northugan. Sáhtten šaddat doarvái buore beassat riikajovkui. Juos áŋgirušašin garrasit ja bisošin dearvvasin, de dat sáhtašii leat vejolaš. Nu lea dáhpáhuvvan máŋgga finnmárkulažžii ovdal: Vegard Ulvangii, Kristin Størmer Steirai, John Kristian Dahlii... maninbat nu ii sáhtášii dáhpáhuvvat munnje maid juos beare ražašin doarvái garrasit? Bássačuojahemiin lei veahá eará láhkai. Sáhtašin gal dieđusge álo čuojahit bánddas, muhto in fal eallit dainna. Muhto Márjjáin lei aiddo nuppe gežiid. Son sáhttá šaddat stuorisin. Buohkat dihte dan. Márjjá jietna. Márjjá šuoŋat. Márjjá imašlaš teavsttat. Márjjá suonjardeapmi. Sus lei visot maid artista dárbbaša. Juos son háliideš, de sáhttá šaddat dakkárin gii ealášii musihkain. Muhto háliidiigo son?

-Gula mat Jovsset, miihan bargat ovttas dáinna daningo mii liikot dasa! Don it sáhte beare heaitit bánddas! Son dajai go muitalin sutnje iežan válljemis.

-Muhto Márjjážan, mun in leat don. Don čuojahat dego eŋgel...

Oasáš girjjis (s 79): Mun lean čuoigi. Siri Broch Johansen. ČálliidLágádus. 2014.

Bargobihtát

1. Son gii lea mun-olmmoš dán teavsttas, lea go son gánda vai nieida?
2. Sus leat guokte friddjaáiggeberoštumi maid gaskkas lea váttis válljet, mat dat leat?
3. Goas dáhpáhuvvá dát?
4. Makkár oktavuohta jáhkat don lea sudno gaskkas geat ságasteaba?
5. Gii lea dán teavstta čállán?