3.2 Muitalusa šáŋŋerdovdomearkkat

 

Hábmedettiin ja čáledettiin muitalusa lea lohpi geavahit fantasiija, liiggástallat ja njulgestaga gielistit,  go don leat hábmemin muitalusa mii ii leat dáhpáhuvvan.

 

Gižžu dahje prošeakta

Muitalusas lea dávjá gižžu dahje prošeakta mii bidjá muitalusa johtui. Dat sáhttá leat muhtin geas vuogga dohppe dahje muhtin ilgadis dáhpáhus vuovddis, muhtin  baluin debuteremin lávddi alde ja ollu eará.

 

Speanta

Giččus dahje prošeavttas huksejuvvo muitalus dan dássái ahte lohkkái šaddá speanta čuovvut muitalusa dáhpáhusaid dassá go jorggiideapmi šaddá ja čoavddus boahtá gižžui dahje prošektii.

 

Loahppa

Maŋŋá jorggiideami loahppá muitalus ja čálli/muitaleaddji čilge mo dilli lea dál maŋŋá čovdosa. Don sáhtát maid válljet ahte it lohppe muitalusa, muhto ahte muitalusas lea ng. rabas loahppa. Dalle ferte lohkki ieš árvvoštallat ja dulkot mo loahppa šattai.

 

Bissut áššis

Lea dehálaš ahte don  bisut áššis go muitala ja čálát. Vállje dušše daid osiid mat leat dehálaččat  vai muitalus šaddá ollislaš.  Muitalus galgá leat miellagiddevaš lohkkiide lohkat dahje guldalit.

ČálliidLágádus

TjaelijiBerteme - TjállijAlmmudahka - ForfatternesForlag - AuthorsPublisher

 

 

Kárášjohka

Fitnodatgeaidnu 13

9730 Kárášjohka

 

Fanasgieddi

Báktegeaidnu 14

9845 Deatnu

 

 

Digitála oahpponeavvuid doaimmaheaddji

digitala@lagadus.org

 

 

Doaimmahus

poasta@lagadus.org

Digitála Oahpponeavvut