43 / 134
43
Tjaalehvuekieh
Novellah
N
ovella lea åenehks vaajestamme (fiktijve) soptsese, gusnie
daamtaj barre aktem daehpadimmiem buerkeste. Novella
maahta åenehks årrodh ihke ij ov man jijnje heannede (barre
akte
deahpadimmie,
akte
bijjietsiehkie, jih
akte
gieltegs siente), mohte
aaj maahta gellieh deahpadimmieh buerkiestidh, guhkies aejkien doe
koe, mohte dellie barre vihkielommesem soptseste jih ij guktie gænnah
seamma veele buerkiestimmieh, damtesistie, almetji åssjalommesh jnv.
goh romaanine.
Boccaccioen tjåanghkoe vaanterdimmiesoetijste
Dekameronen
1353,
lea gohtjesovveme voesteges novellatjåanghkoe gåessie. Guktie maaje
daate sjaangere lea aaj voestegesiereste njaalmeldh tjaalehsuerkijste
evtiedovveme. Åarjelsaemien dajvine utniejibie jijnjh dagkerh båeries
soeth mah mujhtiehtieh
Dekameronen
soetide.
Giovanni Boccaccio
(1313-1375) lij Italijeenske tjaelije, italijeenske provsam
evtiedi, jih voesteges daaletji novellistine ryögknesåvva.
Aelhkemes buerkiestidh guktie siejhme novella vååjnoe. Ihke åtna naan
sjieremierhkh:
• tjaelije buerkeste vaenieh almetjh
• novella lea åeniehkåbpoe romaaneste. Gåarede dam lohkedh
aktine bodtine (akten tæjmoen mieresne)
• lea siejhme gaskoe deahpadimmesne aelkedh;
In medies res
,