95
1600–1750
Sii suhke gosa ledje áigon, ja bivde ja fidnejedje ollu
guliid. Ohpit šattai mierká ja sii ripme fas boahtit
vuorrasa lusa. Dán háve muitalii vuoras ahte bárdni
galgá vuordit dassá go vilges, stuorra skiipa boahtá su
dálu ovdii. Dalle son galgá dan mielde mannat. Vuo
ras gilddii muitaleames čiegusvuođa. Bárdni ráhkkanii
suoli. Muhtun eahkeda bođii skiipa man birra lei mui
taluvvon. Son suhkalii dan lusa. Ii oktage ádden gosa
bárdni lei jávkan. Eaba skihpárguovttusge.
Vuoras doalvvui bártni stohpui ja doppe ledje heajat.
Bárdni elii lihkolažžan. Sus lei čáppa, šiega eamit ja
golbma bártni. Go muhtin áigi lei vássán, de bárdni
áibbašišgođii vuolgit girkui. Vuoras divttii su mannat,
muhto fertii lohpidit guođđit girku dallán go sárd
ni nogai. Dan bárdni lohpidii. Son finai má
ŋ
gii girkus.
Olbmot imaštišgohte ahte son lei doppe. Sii dáhtto
su doallat gitta, vai ii beassan vuolgit juste go sárdni
nogai. Go sii dollejedje su, de gahčče biktasat eret ja
son bázii álásin. Rumaš rievddai ja dimai ja ii lean šat
olbmohámis, muhto dađistaga son virkkosmuvai fas.
Dasto son muitalii gos lei leamaš dan botta go lei eret.
Son áibbašii oaidnit bártniidis, geat báhce dohko.
Brita Pollan: Samiske beretninger. Aschehoug. 1997. Jorgalan/heivehan: Heidi Guttorm
Einarsen
