Sápmi ja máilbmi
112
Amsterdamas Indonesiai ja ruovttoluotta
Dá lea Amsterdam Vuolleeatnamiin
1600-logu gaskkamuttus. Amsterdam
lea Davvimeara riddogáttis ja lea
okta daid stuorámus ja fámoleamus
gávpogiin Eurohpas. Alla visttit leat
huksejuvvon geađggis ja dain leat
máŋga gearddi.
Vuolleeatnanlaččat leat čeahpes
mearraalbmát ja guolásteaddjit.
Juohke jagi borjjastit ollu stuorra
skiippat Davvimerrii ja bivdet salli-
hiid. Daid sii vuvdet miehtá Euroh-
pa: Polskii, Fránkariikii ja Duiskii.
Gávpealbmát diinejit ollu ruđaid, ja
dán láhkai šaddet Vuolleeatnamat
okta daid riggámus riikkain olles
Eurohpas. Vuolleeatnamiid gáttis
orrot máŋga stuorra borjjasskiippa.
Muhtin skiippain leat sáltejuvvon
sallihat. Dat galget fargga borjjastit
Polskii ja Ruššii. Okta skiipa lea aid-
do boahtán Polskas. Das leat mielde
jáffut. Reaŋggat guddet lossa fárpa-
liid skiippas gáddái. Okta eará skii-
pa lea ráhkkaneamen borjjastit gitta
Indonesiai, nuppi máilmmigeahčái.
Mearraalbmát guddet skiipii bis-
suid, fárpaliid main leat kruvttat, ja
kássaid main leat spiikkárat, niibbit
ja luođat. Borramuša ja čázi maid
dárbbašit. Sii loktejit skiipii goikegu-
liid, ealli spiinniid ja sávzzaid. Dat
galget mátkkoštettiin njuvvojuvvot.
