Ovttas - Sirkumpolára eamiálbmogat ja sin oskkoldagat - page 35

35
vuoiŋŋat oaidnemeahttun
fámut
inua luođu/luonddu ja ávdna-
siid vuoiŋŋat
gutnejahttit čájehit árvvu
ráŋggáštit mávssahit
goavddis meavrresgárri
šiela ávnnas mii galgá suodja-
lit dahje buktit erenoamáš
fámuid dahje attáldagaid
eallinguoimmi moarssi dahje
irggi
gobiide ráigi dahje heivvolaš
vuoládus eatnamis
Kárta čájeha sirkumpolára
guovlluid gos olbmot dorvvas-
tit luondduoskui.
Sirkumpolára eamiálbmogat jáhkket ahte luođus dahje
luonddus, eallis, olbmos ja ávdnasis leat vuoiŋŋat.
Olbmuin ja elliin lea siellu, ja luođus ja ávdnasiin lea
fas inua. Sii jáhkket maid ahte muhtin áddjá ássá má­
nus. Su sii gohčodit mánu áddján, ja son stivre buot
eatnama dáhpáhusaid. Ábiid nisu, Sedna fas ássá ábis
ja stivre buot mearaelliid.
Sirkumpolára eami­álbmo­giid­da leat eallit dehálaččat
jos sii galget birget. Sis leat iešguđet vuogit mo
gutnejahttit ja giitit luođu/luond­du ja elliid dan ovddas
maid fidnejit. Jos olbmot eai muit­t e giitit luođu/
luonddu ja elliid, ja eai láhtte čáb­bát luondduin,
sáhttet vuoiŋŋat ráŋggáštit.
Noai­­di galgá dikšut olbmuid ja vuoiŋŋaid gaska­vuo­
đaid. Noai­di gohčoduvvo Sibirjjá eamiálbmogiid
gaskkas namain šaman, ja Kalaallit Nunaat inuhkaid
gaskkas fas aŋgakkoq. Sus lea goavddis maid geavaha
go noi­do­ša.
Mánát ožžot šiela go riegádit. Nuorat deivet eallin­
guoimmi go orohagat geasset sirdet buori bivdosajiide.
Sii jurddašit ahte jápmánolbmuid sielut riegádit ođđa­
sit. Jápmánolbmo rupmaša hávdádit gobiide maid
gokčet geđggiiguin.