149 / 172
149
Mo váikkuha buvttadeapmi ja geavaheapmi luonddu
ekovuogádagaide?
Geavaheapmi lassána máilmmis. Dat mearkkaša ahte buvttadeaddjit
fertejit oppa áigge ođđa biergasiid buvttadit. Dasa dárbbašuvvojit eam-
bbo luondduresurssat. Sii geat vuvdet luondduresurssaid, fertejit eam-
bbo eatnamiid roggat vai gávdnet eambbo minerálaid, oljju ja gássa.
Buvttadeapmi luoitá ollu váralaš gássaid ja kemikálaid lundui, mat fas
bilidit ekovuogádagaid.
Mo sáhttit eastadit ja divvut luonddunuoskkideami?
Mii sáhttit unnidit geavaheami. Dan sadjái go oastit ođđa, sáhttit oastit
geavahuvvon dávviriid ja biktasiid. Mii sáhttit maid earáiguin lonuhallat
dávviriid, reaidduid ja biktasiid. Fertet divvut ekovuogádagaid mat leat
billašuvvan. Dan dahkat go luoitit kálkka jávrriide ja eatnamiidda mat
leat suvrra arvvi geažil billašuvvan. Jos fertet čuohppat muoraid, de
galgat gilvit fas ođđa sadjái, vai muorat eai noga.