146 / 172
146
Muhtin ekovuogádagat leat áibbas billašuvvan. Dat sáhttet
leat eatnamat mat leat guorban dahje jávrrit ja jogat main leat
guolit jápmán go suvrra arvi dahje muohtti lea bilidan daid.
Dalle fertet gilvit jogaide, jávrriide ja eatnamiidda kálkka.
Kálka lea muhtin ávnnas mii dahká ahte suvrračáhci mii lea
eatnamis, jogas dahje jávrris, muhttašuvvá ja ii leat šat suvrris.
Eará sajiin leat olbmot čuollan menddo ollu muoraid, ja eana
lea guorban ja goikan ja šaddan sáttomeahccin. Dalle sáhttá
gilvit fas muoraid. Dákkár barggut gáibidit ollu resurssaid
ja guhkes áiggi.
Kálkemin joga.