117 / 172
117
Bálvalusealáhusain barget olbmot geat bálvalit earáid servodagas. Sii
vuvdet gálvvuid, oahpahit, čállet, fievrridit gálvvuid ja olbmuid, čorgejit
ja fállet divvumiid. Iežaset máhtolašvuođas ja čehppodaga ovddas sii
ožžot bálkká. Bussevuoddjit, oahpaheaddjit, journalisttat, mekanihkká
rat, elektrihkkárat, buvdamielbargit ja buohccedivššárat leat muhtimat
geat barget bálvalusealáhusain.
Ealáhusat rivdet
Ealáhusat rivdet dađe mielde go servodat rievdá ja olbmot geavahiš
gohtet ođđa mašiinnaid ja teknologiija. Ovdal barge ollu olbmot vuođđo
ealáhusain. Dál barget uhccán olbmot vuođđoealáhusain Norggas, go
dan barggus masa ovdal dárbbašedje ollu olbmuid, barget mašiinnat
dál. Dán áigge barget eanáš olbmot bálvalusealáhusain dahje industriija
ealáhusain.