116 / 172
116
Čoahkkáigeassu – Luondduresurssat ja
ealáhusat
Resurssat
Resurssat leat juoga maid mii sáhttit ávkkástallat ja dinet ruđa. Mis leat
ođasmahtti ja II-ođasmahtti luondduresurssat ja olmmošlaš resurssat.
Luondduresurssat leat
: Guolli, olju, gássa, koalla, čáhci, ruovdi, muorat,
eatnamat, biergu.
Ođasmahtti resurssat leat
: Čáhci, muorat, guolli, eatnamat, šibihat.
II-ođasmahtti resurssat leat
: Olju, gássa, ruovdi ja koalla.
Olmmošlaš resurssat leat
: Olbmot geat leat oahppan ja máhttet
iešguđetlágan doaimmaid, omd. duddjot, dahje dihtora ja interneah-
ta geavahit.
Ealáhusat
Ealáhus lea birgenláhki dahje bargu mainna olmmoš dine ruđa vai birge.
Mis leat golbma birgenlági min servodagas:
Vuođđoealáhusat, industriija
ealáhusat
ja
bálvalusealáhusat
.
Vuođđoealáhusain barget olbmot geat ávkkástallet luondduresurssaid
dego guoli, eatnamiid, šibihiid ja bohccuid. Eanadoallit, guolásteaddjit
ja boazodoallit barget vuođđoealáhusain.
Industriijaealáhusat leat ealáhusat main olbmot buvttadit iešguđetlágan
ávdnasiid ja mašiinnaid. Sáhttet maid buvttadit luondduresurssain
iešguđetlágan ávdnasiid ja borramušgálvvuid. Olbmot geat barget
industriijaealáhusas, barget earret eará fabrihkain, meieriijain, ruvke
doaimmain, njuovahagain ja oljobohkanrusttegiin. Inšenevrrat, guol-
lebargit, huksejeaddjit, njuovvit, ruvkebargit ja oljobargit barget in-
dustriijaealáhusain.