151 / 154
Bargobihtát
Ohcci
1. Man ábis lea Oseánia?
2. Namut guokte ealli mat gávdnojit dušše
Oseánias!
3. Manin gohčodit Austrália eamiálbmoga?
4. Goas eurohpálaččat bohte Austráliai?
5. Mii lea aborigiinnaid bassi vári namma?
Dahkki
1. Čuovo ođđasiid muhtin áigge ja merke kár-
tii gos Oseánias leat dáhpáhusat!
2. Oseánias leat ollu imašlaš eallit mat eai
gávdno min guovllus. Oza dieđuid ja govaid
muhtin elliid birra ja čále girjásat!
3. Aborigiinnat leat Austrália eamiálbmot. Sii
málejit erenoamáš čáppa dáiddagovaid.
Sii buonjustit muorrasággegeaži ivdnemá-
laide ja deaddilit báhpiriid dahje murrii.
Geahčadehket sin govaid! Málejehket dii ge
seammá hápmásaš govaid Sámis!
4. Duddjojehket boomeranga!
Dutki
1. Vállje muhtin riikka Oseánias! Oza dieđuid
riikka birra ja buohtastahte muhtin Eu-
rohpá riikkain ovttaláganvuođaid ja ero-
husaid! (gonagas, stáhtaministtar, luon-
du, dálkkádat, barggut, makkár gálvvuid
buvttadit ja vuvdet eará riikkaide, stuorá-
mus jogat, alimus várit, stuorámus gáv-
pogat, turistageasehasat, friddjaáiggedo-
aimmat, govat, historjá, musihkka, leavga,
ruđat, areála, olmmošlohku, osku, eamiálb-
mogat jna.)
2. Joavkobargu: Maori lea Aotearoa eamiálb-
mot. Ohccet eambbo dieđuid sin kultuvrra
ja eallinvugiid birra! Buohtastahttet sámiin
ovttaláganvuođaid ja erohusaid! Ovdan-
buktet earáide ceahkis!
3. Oseánia lea nuppe bealde ekváhtora Norg-
ga ektui. Sis lea dálvi go mis lea geassi.
Geahččalehket ráhkadit jahkodatdávvala
gosa merkejehket makkár mánut leat sis
geasset, dálvet, giđđat ja čakčat!
Boomerang lea bivdoreaidu maid aborigiinnat leat hut-
kan ja mii lea leamaš ávkin go fertejedje johtit guhkes
gaskkaid bivddus.
151