Mii dáppe 2

144 / 154

144
Lulli-Amerihká nuorttabealde ja oarjja­
bealde leat stuora ábit: Gaskaáhpi
nuort­tabealde ja Jaskesáhpi oarjjabeal­
de. Ábiin lea ollu guolli. Lulli-Amerihk­
ká lea okta máilmmi stuorámus guolle­
buvt­tadeaddji guovlluin.
Gávpogiin ásset eanaš olbmot sullii nu
go Norggas. Muhto ollugat ellet geafi­
vuođas, fuones dáluin ja uhccán bor­
ramušain. Olggobeale gávpogiid ásset
eanadoallit geain leat eanabargit. Eana­
bargit barget eanadolliid ovddas geat
oamastit stuorra oasi eatnamis. Eana­
bargiid bálká lea dávjá hui fuotni, ja ol­
lugat mannet de gávpogiidda geahččalit
gávdnat buoret barggu.
Lulli-Amerihkás leat sihke eurohpá­
laččaid maŋisboahttit, eamiálbmogat ja
sevdnjesliikkat olbmot . Eamiálbmogat
leat ásialaččaid maŋisboahttit. Sii led­
je Lulli-Amerihkás go kolonisttat boh­
te. Sevdnjesliikkat olbmot leat šlávaid ja
afrihkkálaččaid maŋisboahttit.
Guollehápman Argentinas.
Kakaobáhpu mii oktii galgá šaddat šuhkoládan.
Machu Picchu lea dološ inkagávpot Andesváriin man
olbmot ledje guođđán.
eanabargit bargit geat barget eatnamiin
sevdnjesliikkat olbmot olbmot geain lea
sevdnjesivnnat liiki