133 / 154
Dutki
1. Vállje muhtin riikka Ásias! Oza dieđuid riik-
ka birra ja buohtastahte muhtin Eurohpá
riikkain ovttaláganvuođaid ja erohusaid!
(gonagas, stáhtaministtar, luondu, barg-
gut, makkár gálvvuid vuvdet eará riikkai-
de, stuorámus jogat, alimus várit, stuorá-
mus gávpogat, turistageasehasat, govat,
historjá, musihkka, leavga, ruđat, areála,
olmmošlohku,osku, eamiálbmogat, jna)
Bargobihtát
Ohcci
1. Mii lea namma Ásia davimus oasis?
2. Mii lea namma máilmmi stuorámus ja ali-
mus várreráiddus?
3. Makkár luondu lea Lulli-Ásias?
4. Maid gilvet ja šaddadit Ásias?
5. Gos ráhkadit el-rusttegiid?
Dahkki
1. Čuovo ođđasiid muhtin áigge ja merke kár-
tii gos Ásias leat dáhpáhusat!
2. Ásia borramušat ja šattut ja máistagat
leat dovdosat miehtá máilmmi. Oza muh-
tin borramušrávvaga mii lea Ásias vuolgán.
Ráhkat ja bora dan!
3. Ollu el-reaiddut ja biillat maid mii geavahit,
leat ráhkaduvvon Ásias. Geahčat ruovttus
leat go dis ávdnasat mat bohtet Ásias! Čále
girjásat!
Dát áddjá lea bealddustis bupmola čohkken. Dan son
vuovdá fabrihkaide. Bupmolis ráhkadit biktasiid ja
liinniid.
133