87 / 156
87
3. Lassin dása lea suolu tevdnejuvvon mii lea gehččon
siiddus. Dát ii leat kárttas tevdnejuvvon, muhto dása
biddjon vai oaidnit sullo sihke bajábealde ja siiddus. Mii
oaidnit bures go allodatsojut leat lahkalagaid, dakko lea
várri ceakkus. Go allodatsojuid gaska lea guhkit, de lea
dákko njoidosat dahje duolbasat.
1. Dás lea suolu tevdnejuvvon. Oaidnit dušše čázi/meara
alihin sullo birra.
2. Dása leat
allodatsojut
tevdnejuvvon. Dat muitala
man ollu eana badjána juohke sárgá gaskka.
4. Dál lea kárta gárvvis sullo badjel. Oaidnit man allat
várri lea, oaidnit jávrri ja man galle mehtera lea bajá-
bealde mearradási, oaidnit joga, bálgá, girku, geainnu ja
moadde stobu mearragáttis.
Kártatevdnejeaddji ferte eaŋkalastit ja unnidit go áigu
kártta tevdnet. Ferte maiddái tevdnet kártasymbolaid.
Allodatsojut
leat sárgát kárttas mat čájehit gokko
eana šaddá alladeabbon, omd. gokko leat čorut, dievát,
luohkát ja alla várit. Mađe unnit gaska sárgáin, dađe
ceaggut.
1.
2.
3.
4.