113 / 156
Ohcci
Geahčča kártta s. 110–111.
1. Makkár riikkaosiide juohkit mii Norgga?
2. Man ollu fylkkat leat Norggas?
3. Mii lea Norgga davimus ja lulimus fylka?
4. Mat leat du ránnjá fylkkat?
5. Guovtti riikkaoasis leat dušše guokte fylk-
ka. Guđemuš riikkaoasit leat dat ja makkár
fylkkat leat dat?
6. Goappá fylka lea davvelis, Sogn ja Fjordane
vai Opplánda?
7. Guhte fylka lea davábealde Rogalándda?
8. Guhte fylka lea Telemárkku nuorttabealde?
Dahkki
1. Galli fylkii leat rájit dáin fylkkain: Nordlánda,
Sogn ja Fjordane, Telemárku jaOppland.
2. Makkár Norgga fylkkain lea sámi boazo
doallu?
3. Čálit dán kártta
(www.calliidlagadus.org/
govat/doc/norga.pdf) ja čále namaid buot
fylkkain Norggas. Ivdne fylkkaid iešguđet
ivnniiguin dađi mielde go čálát.
4. Guovttis ja guovttis barget ovttas. Ráhka
deahkki gažaldagaid fylkkaid birra mat
leat čállon girjjis. Unnimus 5 gažaldaga.
Čálli ieža rivttes vástádusaid daidda sierra
báhpárii. Lonuheahkki gažaldagaid muhtin
eará joavkkuin ja vástidehket.
5. Seammá joavku. Manni deike
www.nrk.no/skole. Gávdni fylkkaid. Makkár fylkkain
Lulli-Norggas gávdnabeahtti sámiid birra
filmmaid?
Dutkka iežat fylkka ja ránnjá
fylkka
1. Mii lea erenoamáš iežat fylkkas. Veahkke
sánit: Eanadat, ássan, ealáhusat. Čále
dan birra. Oza govaid áviissain dahje eará
čállosiin neahtas.
2. Guovttis ja guovttis barget fárrolagaid.
Lohkki čállosiid iežade fylkka ja ránnjá fylk-
ka birra girjjis. Nubbi ráhkada gažaldat
koarttaid (unnimus 5 koartta/gažaldaga)
iežas fylkka birra. Vástádusa čálát koartta
maŋábeallai. Nubbi fas ráhkada ránnjáfylk-
ka birra seammalágan koarttaid. Go leahp-
pi geargan, de gažadeahkki nubbi nuppi
daid fylkkaid birra!
3. Geavat interneahta! Oza galle luonddu-
suodjalanguovllu gávnnat iežat fylkkas!
Čále oanehaččat guovllu dovdomearkkaid,
omd. lea go siseatnamis vai rittus.
113