66 / 134
66
Tjaalehvuekieh
Sveerjen raedtesne kröönika lea annje siejhme sjaangere, kaanne jijnjemes
journalistihkesne, gusnie kolumniste vuj kronikööre artigkele-raajrojne
lahteste jaepiej deahpadimmieh. Mohte aaj dotkemen plaerine dagkerh
kröönikah gååvnesieh, nov goh arkeologijesne , gusnie Ingrid Zachris
sone lea åehpies kronikööre mijjide saemide.
Åarjelsaemiengielesne utniejibie baakoe
soete
mij daamtaj buerkeste dagke-
rem vihties deahpadimmiem. Njaalmeldh kultuvresne, guktie åarjelsaemiej,
dellie geerve- jih voeresalmetjh dagkerh soeth maanide soptsestieh – kaanne
naan maadter-aajjan, -aahkan bijre – jih magkerh tjoeperdimmieh dah dååj-
rehtin. Daamtaj gååvnese leaksoem jih moraalem lieredh dehtie soetijste. Jis
tjaeliejibie sliekten soeth aktese, guktie kronologihke soeteraajrojne sjædta,
dellie dihte dan sliekten kröönikajne sjædta.