56 / 134
56
Tjaalehvuekieh
Kåserije
K
åserije lea tjaalehsuerkie mij frankrijhkese bööti 1800-låhkosne,
ihke daarpesjin aelhkielaakan tjaeledh gierve aamhtesi bijre,
guktie siejhme almetjh guarkajin. Nimhtie aaj njaalmeldh
sjaangerinie sjidti, ihke lij siejhme stoerre almetjedåehkiej uvte dagkerh
teeksth lohkedh. Daelie hov daamhtaj raadijovesne kåserijh sedtieh.
NRK Sápmi raadijove joe lea gellien jaepien kåserijh sedteme fierhten
aereden, orre tjaelije fierhten våhkoen, jih joekoen jijnjh goltelæjjah
daam provgrammem goltelieh. Saemien tjaelijh aaj jiehtieh kåserije
iemie tjaalehsuerkie saemide, ihke dan lihke saemien njaalmeldh kul
tuvrese. Mijjen dovletji soetestimmie-kultuvrese lihke. Kåserije aaj lea
tjaalehvuekie mij tjiehpies- jih faagesjaangeri raasti raaste. Muvhtene
persovneles giehtjedimmiem, eatnemen tjaebpiesvoeten bijre kanne, jih
muvhtine siebredahkelaejhtemem, filosofihke fonterdimmieh – jijnje
dan sjaangerasse tjaekede
.
Åarjelsaemien kåserijh
Goh Jaahkenelkien Aanna (Anna Jacobsen) lij åarjelsaemien sadtegh
darjoeminie NRK Noerhte- jih Åarjel-Trööndelagen åvteste, dellie
satne aaj jijnjemes kåserije-sjaangerisnie soptsesti. Sov radijovesadtegh
jih kåserijh lea golme gærjine tjöönghkeme;
Don jih Daan Bijre I-III
(Daasta Berteme, 1997-2000).
Kåserije
lea daamhtaj ironihke vuj aaj luste lahtese. Baakoe båata fraanske
gieleste [causer]
gupmerdidh, soptsestidh.