19 / 134
19
Tjaalehvuekieh
Eepose
A
nders Fjellnere (1795-1876), lea åarjelsaemien hearra guhte
daelie jijnjemes mujhtiejibie ihke saemiej sjugniedimmie-
eeposem bæjhkoehti. Vaajese
Biejjienbaernien såangoe jeahnaj
eatnamisnie
lea guhkies dieves vuelie mij buerkeste guktie saemieh leah
Biejjien minngie-boelvijste sjædteme. Jih ahte utniejibie nænnoes soenh
mestie maehtiejibie garmeres årrodh. Fjellnere jeehti ahte lij voesteges
aejkien dam vaajesem govleme Torne-dajven ålmeste, Leuhnje, noerhte-
Sveerjesne. Mohte jeehti satne jijtje aaj maanabaelesne, åarjelsaemien
dajvesne, seammaleejns vaajesh jih vuelieh govleme gåabpatjahkh
Biejjienbaernien jih Biejjieniejten bijre.
Biejjienbarnie vaajesisnie leah gielediejvesh dovne åarjel- jih noerhte
saemien gielijste, jih muvhth aaj suemiengieleste. Fjellneren tijjene hov
jijnjesh universiteetesne åålmehvaajesijstie eadtjaldovvin. Jih goh Fjellnere
lij Uppsaalesne lohkeminie dellie suemien learohkigujmie åahpenadti
Anders Fjellnere hearra-ööhpehtimmiem åadtjoeji Uppsaalan universiteetesne,
jih mænngan ööhpehtimmiem illeme dellie Kaaresovvenisnie barki Noerhte-Sveerjesne, veele dej beeli goh Lars Levi Læstadijuse aaj hearra desnie.
Læsta-
dijuse badth kristeles sjieresuerkien åvtehkine sjidti, dovne saemide jih kvænide.
Mearan Fjellnere sov fuelhkine Suersese juhti. Desnie maaje jijnjebe åålmeh
vaajesistie eadtjaldovvi.