Loaktin ovttas Webinar

Neahttasiiddu gávnnat dás www.lagadus.org/loaktin

LOAKTIN ovttas lea oahpponeavvu mii láidesta skuvllaid systemáhtalaččat bargagoahtit mobbeneastadanbargguiguin. Oahpponeavvu lea čállon davvisámegillii, ja jurddašuvvon skuvllaide main lea bajit dásiin davvisámegiella oahpahusgiellan.

LOAKTIN ovttas lea huksejuvvon viđa prinsihpa mielde:

• Hukset nana ja lagas relašuvnna/oktavuođa ohppiide
• Nollatoleránsa
• Diehtit mii loavkideapmi ja mobbenlea
• Dávjá loktet mobbenfáttá oahpahusas
• Máhttit čielga bissehanstrategiija

Skuvlla lea lága bokte geatnegahtton sihkkarastit ahte buot ohppiin lea dorvvolaš ja buorre psykososiála oahppobiras. §9 A-4.

Dutkan čájeha ahte dakkár mobbeneastadanbarggut leat beaktilepmosat maid skuvllat ieža hábmejit ja heivejit sin kultuvrii, mat leat dynámalaččat, ja mat fátmmastit sihke ohppiid, oahpaheddjiid, jođihangotti ja váhnemiid.

Mii fállat dálvet ja čakčat 2021 skuvllaide vihtta bagadanbottu mas mii láidestit ja veahkehit din rievdadišgoahtit ja systematiseret skuvlla rutiinnaid fuomášit, bissehit ja eastadit mobbema din skuvllas. Fálaldat lea neahttavuođut, dat mearkkaša ahte láidesteapmi čađahuvvo neahta bokte.

Eambbo dán birra!