TJAALEHVUEKIEH

5 / 134

Åvtebaakoe
Gosse gielem skuvline lieredh, dellie hævvi aaj tjoevere lieredh
lohkedh. Seamma magkerem teekstem lohkeminie, dellie lea
naan sjangerisnie tjaalasovveme. Sjaangere gåarede tjaaleh­
vuekine gåhtjodh, ihke baakoe sjaangere barre tjuvtjede teekste naan
joekoen såårhts vuekine tjaalasovveme. Daate gærja buerkeste naan
lidteratuvren faagediejvesh. Gubpede båetieh jih guktie jis sjidteme.
Jijnjemes lidteratuvren faagediejvesh latijne-, greeke-, vuj fraanskegielijste
evtiedamme. Mohte lidteratuvren tjaalehvuekieh leah rijhkigaskem
seammah. Guktie seamma magkerem gielem lea lohkeminie dellie naan
aejkien gieleööhpehtimmesne båata lidteratuvren faagediejvesi gujmie
baaverdidh. Gosse faagediejvesh lieredh dellie hævvi aelhkebe jis jijt­
sene gielesne åådtje teekste-vuesiehtimmieh gosse diejvesidie giehtje­
didh. Daennie gærjesne lea jijnjemes teeksth Saepmeste, mohte smaave
vuesiehtimmieh Krueneseatnamen jih Noerhte-Amerijhkan lidteratuv­
reste aaj. Ihke lea buerie åadtjodh vuejnedh ahte jeatjah iemiealmetji
tjaalehvuekieh jih njaalmeldh aerpie mujhtehte saemien kultuvrem.
Saemien tjaelijh vååjnoe bööremes lyjhkedh dejtie sjaangeridie mah
leah mijjen njaalmeldh aerpien lihke. Amma gellieh tjiehtesegærjah
saemiengieline tjaalasovveme – nov hævvi ihke tjiehtesen haamoe
joejkemen vuelie mujhtehte. Kåserije aaj lea «populære» sjaangere
saemien lidteratuvresne. Njaalmeldh haamojne tjaala, eevre guktie
goltelæjjaj uvte soptsesteminie. Jih nov lea aaj siejhme kåserijem raa­
dijovesne govledh.