Page 40 - Sapmi & mailbmi 1 mánáid

Sápmi ja máilbmi 40
spiret
meahcceeallit mat bivdet
ja borret eará elliid ja
ráppiid
sáitti
guhkes muorra man geažis
lea bastilis čuggestat
Mo hávdádedje jábmiid?
Go olbmot jápme, de hávdáduvvojedje earret eará
báktelomiide. Hávddiid gokče geđggiiguin vai
spiret eai galgan gaikkodit jábmiid. Jábmit ožžo
hávdái fárrui sabehiid, njuolaid, ákšuid ja sáitti
vai sii galge birget jábmiid-áimmus, dahje sáivvus.
Dološ hávddit addet ot­ná historjá­
dutkiide ja ar­keo­­lo­gaide ollu die­
đuid dan birra mo sá­mi álgo­olbmot
elle. Dan áigge eai mer­ken hávd­
diid háv­­de­geđg­giin ja ruos­sai­guin.
Dan­­ne lea daid vát­tis gávd­nat.
Sáivu. Bassi báiki gosa jábmit bes­
se go ledje hávdáduvvon. Sáivu
sáhtii leat jávri, suolu, dahje várri.
Ipmil sivdnida beaivvášálbmoga
riikka
Buot álbmogat imaštit mo máilbmi lea šaddan.
Maiddái Sámi álgoolbmuin lei iežaset jurdda dan
birra. Dás sáhtát lohkat maid mánát ohppe go jer­
re eatnama ja eallima álggu birra.