63
Noidošeapmi
Dán oasis oahpat
Geat ledje noaiddi veahkit
Mii goavddis lei
Mat ledje sámi deháleamos ipmilat
Mii lei sieidi
Noidošan
sátni muitala mo sámit čađahedje iežaset
oskku. Noaidi noidošii. Dasa son geavahii goavdá.
Ipmiliid govvosat
ledje goavdái málejuvvon.
Bieggaolmmái, Čáhceolmmái ja Máttaráhkká ledje
dehálaš ipmilat. Dat masa vuorbi bisánii go noaidi
lei dearpan goavdá, muitalii mo bivdu, dálki dahje
eallin šattai ovddosguvlui.
Noaidi oaffarušai sieidái oasi sállašis vai bivdolihkku
ain bisošii. Sieidi sáhtii leat erenoamáš geađgi dahje
várri luonddus.
Luonddu ja luondduelliid galggai
árvvus atnit.
Badjelmeari geavaheapmi ja nuoskkideapmi ii lean
lohpi.
Ipmiliid govvosat
govat ipmiliin
árvvus atnit
gudnejahttit
