68 / 172
68
Mia beaivegirji
Mia lea 13 jahkásaš nieida. Son čállá beaivegirjji juohke beaiv
vi.
Dás sáhtát lohkat sotnabeaivvi njukčamánu 8. beaivvi birra:
Ikte leimmet Ragnhild-siesá guossis. Son devddii 50 jagi.
Jurddaš ahte son lea nu boaris. Son lea oaidnit nu nuorra.
Mo son mun lean oaidnit go deavddán 50 jagi? Gádden ahte
šattai ahkidis feasta, muhto dat ii lean ahkit. Deiven ollu
oarpmeliid ja vilbeliid geaid in lean guhkes áigái oaidnán.
Lei somá singuin háleštit fas. Ledje olu njálgga borramušat, ja
eanaš ollesolbmot juhke ollu viinna. Lei eatni vuorru vuodjit
biilla ruoktot, nu ahte áhčči jugai maid oalle ollu. Son šaddá
nu ártet go juhká viinni. Muitala ollu ártegis muitalusaid, ja
mun heahpanin. Muhto lei vearrát Erkke-vilbealis. Su áhčči,
Ovllá-eahki, jugai nu ahte juhkaluvai áibbas. Son šaddá vieh
ka ártet go juhkaluvvá. Hállá jitnosit, ja ollu duššiid.