131 / 172
131
FáktÁstobe Ássan čuovvu
resurssaid
• Norggas ásset eanemus olbmot máddin. Davvi-Norggas ásset un-
nimus olbmot.
• Mii dadjat ahte lea čoahkkebáiki doppe gos ásset 200 olbmo ja ii
leat go 50 mehtera dáluid gaskka.
• Bieđggos ássan lea go olbmot ásset guhkkin eret guđetguimmiin.
• Oslo lea Norgga stuorámus gávpot.
• Luondduresurssat, industriija ja gávppašeapmi leat vuođđun olb-
muid ásaiduvvamii.
• Sámi guovlluin barget ollugat vuođđoealáhusain. Vuođđoealáhusat
dárbbašit viiddis guovlluid ja stuorra saji luonddus. Danne olbmot
sámi guovlluin ásset bieđgguid.
• Ássan lea rievdan go ollu nuorat fárrejit stuorra gávpogiidda skuv-
llaid vázzit. Muhtimat heitet vuođđoealáhusain ja fárrejit stuorát
gávpogiidda. Ollugat sis eai šat boađe ruovttoluotta. Dalle sturrot
gávpogat ja stuorra čoahkkebáikkit ja bieđggos guovlluid ássan
unno vel eambbo.