23 / 154
23
Norgga stuorámus, ja maiddái muhtun
olgoriikka áviissat čálle ollu ášši birra.
Maiddái TV:s lei muhtin áigge ollu sáhka
dán birra.
Ollu olbmot Norggas, ja Eurohpás ledje
hirpmástuvvan. Ollugat eai diehtán nu
ollu sámiid birra. Muhtimat doarjugohte
sámiid ja sin rahčamušaid vuosttaldit dán
mearrádusa. Dattege eiseválddit buđđo
eanu. Muhto ollugat de bohte diehtit ahte
ásset sámit Norggas, ja ahte sis lea eará
kultuvra, historjá, eallinvuohki ja giella
go muđui Norgga álbmogis.
Norgga servodat rievdagođii danne go
olbmot ledje oahppan eambbo, ja jurd
dašišgohte eará láhkai sámiid ja sin vuoi
gatvuođaid ektui, ja dorjo sin. Sámit ieža
maid gáibidišgohte leat mielde mearri
deamen áššiin mat guske sidjiide. Danne
go ođđa jurdagat šaddagohtet ja servodat
rievdá, de lea muhtimin dárbu ođđa lá
gaid ásahit dahje boares lágaid rievdadit.
Jagi 1988 dohkkehii Stuorradiggi ođđa
lága mii šattai oassin vuođđolágas. Dat
lei sámeláhka.
Sámelágas čuožžu: Grunnlovens § 110a.
«Det paaligger Statens Myndigheter at
Lægge Forholdene til Rette for at den sa
miske Folkegruppe kan sikre og udvikle
sit Sprog, sin Kultur og sit Samfundsliv.»
Danne ásahuvvui Sámediggi jagi 1989.
Sámediggi galgá geahččat bearrái ahte
sámit besset cealkit iežaset oaiviliid áššii
de mat gusket sidjiide ja eará eamiálbmo
giidda.
Gonagas Olav 5. rabai vuosttaš Sámedikki jagi 1989.