104 / 154
104
Olbmot čullet arvevuvddiid
juohke beaivvi
Arvevuvddiin leat erenoamáš muorat main
fabrihkain sáhttet ráhkadit ollu čáppa stoh-
pogálvvuid. Danne muhtimat čullet muo-
raid ja vuvdet daid stohpogálvoindustriijii vai
dinejit ruđa. Máilmmis lassánit olbmot, ja ol-
bmot dárbbašit eambbo bierggu. Dalle fer-
tejit čuollat arvevuvddiid vai leat eambbo
guohtonsajit šibihiidda. Stuorra gávpogat ja
čoahkkebáikkit dárbbašit ruovdemáđiid ja
geainnuid ja čázi eanuin mat golget arvevuvd-
diid čađa. Dalle ferte čuollat ja láhčit saji dák-
káriidda.
Boađusin dás lea ahte eamiálbmogat ja sin
máhttu jávket, ja arvevuovddit unnot ja loah-
pas jávket. Arvevuvddiin lea báhkka. Doppe
lievllista arvi jođánit ja arvi šaddá balvan. Balv-
vat čoskot ja de arvigoahtá fas. Jos arvevuovd-
dit jávket, de ii šat arvve doppe ja dalle šaddá
sihke eanaspábba ja áibmu lieggaset ja goiká-
sat. Dutkit oaivvildit ahte dát lea okta sivva
dasa ahte temperatuvra eatnamis goargŋu.
Oassi dán trohpalaš arvevuovddis lea čullon, go dása
galgá šaddat geaidnu. Borneos.
Penan-álbmot vuostálastet arvevuovdečuollama ja
plantášaidgilvima sin ássanguvlui.