55 / 156
Ohcci
Loga čoahkkáigeasu s. 54 ja vástit.
1. Mii lea stuorraservodat?
2. Namut golbma dehálaš fálaldaga stuorra-
servodagas!
3. Namut guokte vuordámuša mat leat servo-
dagas ohppiidrollii?
4. Manne šaddet riiddut olbmuid gaskkas?
5. Mii lea givssideapmi?
6. Mo sáhttá givssideapmi váikkuhit olbmuide
geat dan vásihit?
7. Namut ovtta vuogi mo bissehit givssideami!
Dahkki
1. Jearahallan: Jearahala olbmuid geain leat
eará rollat go dus! Makkár servodatrollat
leat sis ja mo sii vásihit ja čovdet iežaset
servodatrolla?
2. Hutket ja dahkket čájálmasa mas dis leat
iešguđet rollat. Čájehehket earáide.
3. Lohkket riikka áviissa ovtta vahku! Merke-
jehket guđe stuorraservodaga rollat leat
namuhuvvon áviissain dan vahku!
4. Servodagas bohciidit dávjá riiddut olbmuid
gaskkas. Givssideapmi lea stuorra váttis-
vuohta servodagas ja skuvllain. Digaštallet
mo sáhttá heaittihit ja bissehit givssideami
servodagas. Evttohehket čovdosa mii sáht-
tá bissehit givssideami din servodagas.
5. Máŋggaoaivilvuohta muhtin áššiin lea
buorre, go dalle mii beassat digaštallat ja
gullat ja oahppat eambbo ášši birra. Dal-
le dávjá gávdnat čovdosiid riidduide. Leat
go din ceahkis áššit maiguin ehpet leat ovt-
taoaivilat? Digaštallet ášši/áššiid/riidduid
joavkkuin ja geahččalehket gávdnat
čovdosa riidui!
6. Hutkka, hábme ja sárggu galbba mas
čuožžu: BISSET GIVSSIDEAMI! Darvvit
ceahkkelanja seaidnái muittuhussan.
Dutki
1. Dutket mii geavvá doabbariin din gield-
das/suohkanis! Hábmejehket gažaldaga,
evttohehket čilgehusaid, dahket plána ja
čađahehket dutkosa! Árvvoštallet mo heive
earáide ovdanbuktit dan maid lehpet gávn-
nahan: Sárggusráidu, govvaráidu, filbma,
áviisaartihkal, beaivegirji, muitalus dahje
eará.
55