44 / 156
44
Son gii áigu bargat buohccebiilavuoddjin, ferte hárje-
hallat ollu vai son diehtá mo galgá heakka gádjut.
Buohccebiilavuoddji
Einar lea buohccebiilavuoddji. Buohcce
biilavuoddji galgá leat gárvvis vuoddját
viežžat olbmuid geat leat garrasit buohc
cán dahje lihkohisvuođas bártašuvvan.
Buohccebiilavuoddji galgá gárvodit dih
to biktasiiguin go lea barggus. Sus galgá
maid leat sierra biila mas leat dihto ivnnit
ja rusttegat. Rusttegat galget leat ávkin ol
bmuid gádjumis jos lea heakkavárra. Son
galgá máhttit ollu das mo gádjut olbmuid
ja bisuhit heakka. Son galgá máhttit biilla
vuodjit ja doalvut olbmuid buohccevissui
johtilit. Jos lea dárbu, de son ferte bidjat
čuovggaid ja jiena biilii, vai earát oidnet
ja gullet, ja čáhkkejit saji geainnus go son
boahtá vuoji. Juohke gielddas dahje suoh
kanis leat buohccebiillat ja buohccebiila
vuoddjit. Buohccebiilavuoddji galgá leat
oahpis miehtá gieldda/suohkana ja dovdat
buot báikenamaid vai johtilit sáhttá joavdat
báikái gos lea geavvan buohcuvuohta dah
je lihkohisvuohta.
Einar lea buohccebiilavuoddji.
Buohccebiillas leat ollu dávvirat mat dárbbašuvvojit
heakka gádjumis. Das leat šerres ivdni, čuovggat ja garra
jietna vai eará johtaleaddjit áddejit čáhkket ja buohcce-
biila johtilit beassá buohccevissui.